大家聖誕怏怏樂樂!

我要對付表姐

表姐你成日蝦我.................乞嗤!!!!

===================>哈!哈!哈!

第一張証件相

姨媽帶我去影証件相, 佢話我好乖坐o向到唔郁又唔笑..

哩張就係我本特區護照張相啦.

小小清潔工人

我唔係淨係識食o架, 我有幫手做家務o架, 我平時係胃食o左D, 不過我做家務做到身水身汗, 都要補充體力O架!?



[姨媽話我好煩, 佢話我搞搞震, 我之不過係一日拖五次地咋, 咁都唔讚人O地:( ]

Out Door Dinner

好難得才有一張全家幅, 可惜BB沒有大笑, 否則一定好正!

Family day

10月19日重陽節, 爸爸同媽媽都放假, 我o地一家三口去北區公園玩, 我周圍走, 周圍走, 走到爸爸索晒氣!哈哈....

下午,Mandy 契媽入來探我,仲同埋契爺一齊入o黎tim!

我識行啦

10月13日我終於識行啦! 可惜我媽媽同爸爸都不在場, 冇法子啦, 媽媽要出會展, 爸爸又要返工,Oh No!

我的誕生

我媽咪2006年10月31日開始放產假, 原本預產期是11月17日,佢每天有小小肚痛, 就打電話俾我姨媽, 係咪咁就叫做作動呀?可能佢太緊張, 而我又遲遲唔肯出o黎, 搞到媽咪好驚...

11月18日媽咪見醫生~吳祟傑, 約o左11月22日晚到仁安醫院摧生,點知我11月20日凌晨3點幾就玩嘢啦.......

媽咪又打電話去醫院問姑娘, 『點呀?我十幾分鐘就痛一次, 有時兩分鐘, 有時又半個鐘, 係咪作動呀?』

姑娘 : .... 係呀...係呀...你沖埋涼, 洗埋頭就入o黎啦!

媽咪入到醫院....辦好入院手續便上房........

姑娘按醫生的指示放藥....然後便慢慢等我出世...


放入藥後, 反而沒有作動的感覺, 整日非常無聊, 好彩有爸B陪媽咪。佢O地兩個響公園行O下, 晒O下太陽, 上O下網.....好不容易先過O左一個上午.....

下午..Cherry & 美國返o黎的Winnie來探我媽咪, 三個女人一個墟, 好快就旖o左一個下午。

五點去洗手間, 嘩....嘩...見紅!快快出去按鐘通知姑娘。

慢慢感到肚痛非常頻密...八點幾, 醫生到了, 他幫我媽咪穿水及打摧生水, 然後姑娘推媽咪到待產室,姑娘教媽咪如何使用笑氣, 佢用到好似吸毒咁, 死都唔肯放手。

十點幾, 姨媽打電話俾爸B, 問: 『點呀?生O左未呀?』爸B :『未呀!佢O向到吸緊毒呀!』姨媽 :『唔好吸咁多呀!會嘔O架!』

跟住, 差不多十一點惡人Gigi又打來, 爸B話『佢依家痛到阿媽都唔認得呀!』惡人Gigi『你叫佢努力D啦!今個會計COMMISSION俾佢』....

姑娘入來 : 『你依家開O左兩度』媽咪當時已經痛到發顛.... 平時媽咪最怕打針的都要求打止痛針, 唉...!呢枝針只能止大約二十秒痛... 又要繼續痛.... (當時媽咪見到爸B 坐O向到瞓O左覺, 仲且埋鼻寒)

迷迷糊糊...痛到凌晨三點,開到八度啦!!!! 姑娘就要推媽咪到產房, 姑娘要拿走媽咪的笑氣管, 媽咪痛到同姑娘o向到搶番, 吸埋最後一啖,便要推到產房...

入到產房, 當時媽咪痛到成面都係眼淚, 姑娘仲叫爸B幫媽咪抺眼淚tim!.....一 二 三用力! 唔得唔得...再o黎 一 二 三用力! 見到頭仔啦! 唔得.. 要用吸盤... 一 二 三用力!!!!!! 得o左!!!

姑娘彈一彈我隻腳仔,我緊係喊啦, 彈到人o地咁鬼痛。姑娘同媽咪講「有個酒粒o架」

跟我o地緊係影全家褔啦!